Հայաստանում բրիտանական առաջին ռեզիդենտ պաշտպանական կցորդն է նշանակվել, հայտնել է ՀՀ-ում Միացյալ Թագավորության դեսպանությունը։

«Բրիտանական դեսպանատունը ուրախ է հայտնել, որ մայոր Թոմաս Շորլանդ Բոլը նշանակվել է Հայաստանում բրիտանական առաջին ռեզիդենտ պաշտպանական կցորդ: Այս պատմական քայլը արտացոլում է Միացյալ Թագավորության և Հայաստանի միջև գործընկերության աճող ամրությունը և նպաստելու է պաշտպանական և անվտանգության ոլորտներում համագործակցության հետագա խորացմանը»,- ասված է հաղորդագրությունում։