ԱՄՆ-ն սպասում է, որ Իրանը պատասխանի բանակցությունների վերաբերյալ իր առաջարկին մինչև օրվա վերջ, հայտարարել է ԱՄՆ պետքարտուղար Մարկո Ռուբիոն։

Նա հույս է հայտնել, որ Թեհրանի պատասխանը կնշանավորի «լուրջ» բանակցությունների սկիզբը։

«Հուսով եմ՝ դա լուրջ առաջարկ կլինի», - նշել է ԱՄՆ պետքարտուղարը։

Ռուբիոն նաև անդրադարձել է ԱՄՆ-ի և Իրանի միջև փոխհրաձգությանը։ «Երեկ դուք տեսաք, թե ինչպես են իրանցիները կրակ բացում միջազգային ջրերում անցնող ամերիկյան ականակիրների վրա։ Մենք պաշտպանական միջոցներ ձեռնարկեցինք՝ մեզ պաշտպանելու համար։ Սա «Էպիկ ցասում» գործողությունից առանձին գործողություն է»,- ասել է Ռուբիոն

«Նրանք կրակեցին մեզ վրա։ Այսինքն՝ եթե դուք կրակ բացեք ԱՄՆ ռազմածովային նավի վրա, ի՞նչ պետք է անենք։ Ասեք՝ «Օ՜, մենք հրադադար ունենք։ Մենք չենք խփելու ձեր անօդաչու թռչող սարքը»։ Դա հիմար դիրքորոշում է։ Իհարկե, մենք կրակ բացեցինք։ Նրանք կրակ բացեցին մեզ վրա։ Հենց դա էլ ես սպասում էի։ Միայն հիմար երկրները չեն կրակ բացում, երբ կրակ բացում են ձեզ վրա, և մենք հիմար երկիր չենք», - ասել է ԱՄՆ պետքարտուղարը։