Ամերիկայի Միացյալ Նահանգների հետ անուղղակի բանակցությունների ընթացքում Իրանն առաջարկել է գնել ամերիկյան ինքնաթիռներ և ուսումնասիրել նավթի և գազի ոլորտում համատեղ ներդրումները, գրել է CBS-ը։

Խորհրդակցություններին ծանոթ աղբյուրի խոսքով՝ Թեհրանը նման տնտեսական նախաձեռնությունները դիտարկում է որպես բանակցային գործընթացի մաս և պատժամիջոցների մեղմացման հնարավոր քայլ։

Բացի այդ, ԱՄՆ նախագահի հատուկ դեսպանորդ Սթիվ Վիտկոֆֆին խորհուրդ է տրվել միջուկային ծրագրի քննարկումները առանձնացնել այլ հարցերից, այդ թվում՝ հրթիռների մշակումից ու Թեհրանի հետ դաշնակից խմբերի գործունեությունից։

Նրանց տեղեկությունների համաձայն՝ Վիտկոֆֆը աջակցել է զուգահեռ դիվանագիտական ​​ուղիների գաղափարին։