ԱՄՆ նախագահ Դոնալդ Թրամփն աջակցում է Ռուսաստանի դեմ նոր պատժամիջոցների մասին օրինագծին։

«Ես աջակցում եմ դրան։ Հուսով եմ՝ մենք ստիպված չենք լինի դրանք կիրառել», - ասել է Թրամփը «Fox News»-ին տված հարցազրույցում։

- Ռուսաստանի տնտեսությունը շատ վատ է, բայց նրանք շատ ավելի մեծ են, քան Ուկրաինան։ Գիտեք, նրանք շատ ավելի մեծ են և ավելի հզոր;

- ԱՄՆ-ն ցամաքային հարվածներ կսկսի Մեքսիկայում կարտելների դեմ;

- Կարտելները վերահսկում են Մեքսիկան։ Շատ տխուր է տեսնել, թե ինչ է պատահել այդ երկրի հետ։

- ԱՄՆ-ում ամեն տարի թմրանյութերից մահանում է 250,000-300,000 մարդ։

- Թրամփը ժամկետ չի սահմանել Ուկրաինայի հակամարտության կարգավորման համար

- Ուկրաինայի հետ կնքված հազվագյուտ մետաղների գործարքը անհրաժեշտ է ԱՄՆ-ի ներգրավվածությունը շարունակելու և Բայդենի օրոք Կիևին հատկացված միջոցները մարելու համար;

- Վենեսուելայում գործողությունից հետո ԱՄՆ-ն ստացավ մոտավորապես 4 միլիարդ դոլարի նավթ;

- Վենեսուելայի ընդդիմության առաջնորդ Մաչադոն հաջորդ շաբաթ կժամանի Վաշինգտոն, և հնարավոր է հանդիպում Թրամփի հետ;

- Հունվարի 9-ին Թրամփը հանդիպում կունենա Վենեսուելայում առնվազն 100 միլիարդ դոլար ներդրում կատարող 14 նավթային ընկերությունների ղեկավարության հետ;

- ԱՄՆ-ն մտադիր է «վերականգնել» Վենեսուելան ընտրություններից առաջ;

- Թրամփը 2027 թվականի ԱՄՆ ռազմական բյուջեի աճը կապել է իրական սպառնալիքների հետ;

- Թրամփը նաև խոսել է «Համասի» և «Հըզբոլլահի» մասին․ «Նրանք ասացին, որ զինաթափման համաձայնագիր ունեն, և մենք պետք է ենթադրենք, որ նրանք իրականում դա կանեն: Բայց, գիտեք, զինաթափումը նրանց բնույթի մեջ չէ, դա ընդհանրապես նրանց բնավորության մեջ չէ»:

- ԱՄՆ-ն մի քանի նոր հարվածներ կհասցնի Նիգերիային, եթե այնտեղ քրիստոնյաների սպանությունները շարունակվեն։

«Ես կցանկանայի, որ դա լինի միանգամյա հարված։ Բայց եթե նրանք շարունակեն սպանել քրիստոնյաներին, դա չի լինի մեկ հարված, կլինեն բազմակի հարվածներ», - ասել է նա «Իսլամական պետության» մասին;

- Թրամփը Մադուրոյի առևանգման մասին.

«Դե, դա դժվար որոշում չէր։ Ե՛վ դեմոկրատները, և՛ հանրապետականները ցանկանում էին նրան, բայց ոչ ոք չուներ վճռականություն կամ կամք նրան իրականում բռնելու համար։ Ես չգիտեմ, թե ինչ է պատահել, բայց նա սպանեց հսկայական թվով մարդկանց։ Նա մեր երկիր ուղարկեց շատ վտանգավոր մարդկանց։ Նա դատարկեց իր բանտերը՝ ըստ էության բանտարկյալներին ուղարկելով Միացյալ Նահանգներ։ Նա նմանապես ազատ արձակեց հիվանդներին հոգեբուժարաններից և ապաստաններից և ուղարկեց նրանց մեզ մոտ։ Նա կատարեց բազմաթիվ չափազանց լուրջ գործողություններ։ Միևնույն ժամանակ, նա խոշոր թմրավաճառ էր։ Դուք կարող եք տեսնել դա նույնիսկ մեր կողմից խոցված նավակներից. դրանք բոլորը դուրս էին եկել Վենեսուելայից։ Հսկայական քանակությամբ թմրանյութեր։ Բազմաթիվ նավեր և թմրանյութերի ծով։ Հիմա գրեթե ոչ մի նավակ չի մնացել։ Դրանք գործնականում գոյություն չունեն։ Դուք ոչ մեկին չեք գտնի։ Կարծում եմ՝ ոչ ոք նույնիսկ չի ռիսկի դիմի ծով դուրս գալ ձկնորսության։ Մարդիկ այլևս չեն ուզում այս ջրերում դուրս գալ»;

- Պուտինը զանգահարե՞լ է ռուսական տանկերի կալանավորումից հետո

«Չեմ ուզում ասել, բայց փաստն այն է, որ տարածքում կար ռուսական սուզանավ և էսմինեց, բայց երկուսն էլ շատ արագ հեռացան, երբ մենք ժամանեցինք»։