Արևմտյան երկրները Վրաստանը կդիտարկեին որպես Ռուսաստանի դեմ բուֆերային գոտի՝ Ուկրաինայի օրինակով, եթե չլինեին վրացական իշխանությունների քայլերը, որոնք թույլ չտվեցին դա տեղի ունենալ. հայտարարել է Թբիլիսիի քաղաքապետ և իշխող «Վրացական երազանք – Ժողովրդավարական Վրաստան» կուսակցության գլխավոր քարտուղար Կախա Կալաձեն:

«Եթե չլիներ մեր սկզբունքային դիրքորոշումն ու այն քաղաքականությունը, որն այժմ վարում է «Վրացական երազանք – Ժողովրդավարական Վրաստան»-ը, մենք, ցավոք, հավանաբար նույն ճակատագրին կարժանանայինք»,- ասել է Կալաձեն։

Նրա խոսքով՝ չնայած արևմտյան ներկայացուցիչների կողմից հնչող վիրավորանքներին ու սպառնալիքներին Վրաստանի ղեկավարությանը հաջողվել է պաշտպանել երկրի, դրա ժողովրդի և տնտեսության շահերը, ինչպես նաև երկրի հետագա զարգացումը։