Русский
Իրանում Մեծ Բրիտանիայի դեսպան Հյուգո Շորթերը կանչվել է Արտաքին գործերի նախարարություն՝ Լոնդոնում Թեհրանի դեսպանատան վրա հարձակման ու դիվանագիտական առաքելության շենքից Իսլամական Հանրապետության դրոշը պոկելու հարցով բողոքի նոտա հղելու համար։
Արտաքին գործերի նախարարության Արևմտյան Եվրոպայի գլխավոր տնօրեն Ալիռեզա Յուսեֆին դատապարտել է «բրիտանական ոստիկանության անգործությունը՝ անվտանգությունն ապահովելու և օրինախախտներին դիմակայելու հարցում»։ Նա նաև ընդգծել է բրիտանական իշխանությունների պատասխանատվությունը՝ դեսպանատան, դիվանագետների, աշխատակիցների և դիվանագիտական առաքելությունների անվտանգությունն ապահովելու հարցում։
Հունվարի 10-ին ցուցարարները ներխուժել էին Լոնդոնում Իրանի դեսպանատուն ու շենք վրայից պոկել երկրի դրոշը՝ այն փոխարինելով Շահի դարաշրջանի դրոշով՝ առյուծի և արևի պատկերով։