Անկարան պատրաստ է անել ամեն ինչ՝ ուկրաինական հակամարտությունը լուծելու համար, ասել է Թուրքիայի արտաքին գործերի նախարար Հաքան Ֆիդանը Ռուսաստանի արտաքին գործերի նախարար Սերգեյ Լավրովի հետ բանակցությունների ժամանակ։

«Իմ բացման խոսքում կցանկանայի անդրադառնալ ուկրաինական հակամարտությանը։ Կցանկանայի կրկնել, որ մեր երկիրը՝ Թուրքիան, պատրաստ է անել ամեն ինչ, ինչ իրենից կախված է, այդ թվում՝ որպես միջնորդ. գուցե ինքը հանդես գալով որպես միջնորդ կամ հարթակ տրամադրելով միջնորդի համար՝ այս պատերազմը դադարեցնելու համար։ Քանի որ այս անկայունացումը, այս սրացումը կարող է հանգեցնել պատերազմի հետագա սրացման, ուստի մենք պետք է անենք ամեն ինչ՝ այն դադարեցնելու համար», - ասել է Ֆիդանը։

Ավելի ուշ Ֆիդանը հայտարարել է, որ երեքշաբթի օրը Մոսկվայում Լավրովի հետ բանակցությունների ընթացքում քննարկել է իրավիճակը նաև Հարավային Կովկասում, նաև Բաքվի և Երևանի միջև խաղաղության գործընթացը։

«Մենք մանրամասն քննարկեցինք իրավիճակը Հարավային Կովկասում։ Քննարկեցինք խաղաղության գործընթացը, որը տեղի է ունենում Ադրբեջանի և Հայաստանի միջև։ Սա տարածաշրջանում խաղաղության հաստատման համար շատ կարևոր գործոն է»,- Մոսկվայում մամուլի ասուլիսին հայտարարել է Ֆիդանը։