Տորթերի, կեքսերի թխման կամ սոուսների մեջ որպես բաղադրիչ օգտագործվող ալկոհոլը եփելու ընթացքում լիովին չի գոլորշիանում, ինչը նման ուտեստները վտանգավոր է դարձնում որոշ մարդկանց համար, aif.ru-ին ասել է հոգեբույժ, նարկոլոգ Ռուսլան Իսաեւը։

«Կա կարծիք, որ ալկոհոլը եփելու ընթացքում լիովին գոլորշիանում է։ Սա ճիշտ չէ։ Արագ եփելիս միայն դրա մի մասն է գոլորշիանում», - ասել է Իսաեւը՝ հավելելով, որ ալկոհոլը գրեթե ամբողջությամբ մնում է սառը աղանդերում։

Մասնագետի խոսքով՝ երեխաներն ու դեռահասները պետք է խուսափեն ալկոհոլ պարունակող քաղցրավենիքից և սոուսներից, քանի որ ալկոհոլի ցանկացած չափաբաժին, նույնիսկ մեկ գդալը, պոտենցիալ վնասակար է։ Հղի և կրծքով կերակրող կանայք պետք է խուսափեն նման սննդամթերքներից՝ երեխայի համար ռիսկից խուսափելու համար։

Ավելին, ալկոհոլը կարող է վտանգավոր ռեակցիաներ առաջացնել կամ նվազեցնել բուժման արդյունավետությունը տարբեր դեղամիջոցներ ընդունողների մոտ՝ հակաբիոտիկներից մինչև պարացետամոլ: