Իրանում՝ Ադրբեջանի հետ սահմանին, սկսվել է Կալալա-Աղբանդ ավտոմայրուղու կամրջի վրա մաքսային կետի կառուցումը, գրել են ԶԼՄ-ները։

Արևելյան Ադրբեջանի մաքսային վարչության պետ Ալի Ասղար Աբբասզադեի խոսքով՝ նահանգը կենտրոնանում է երկու մաքսային կետերի զարգացման վրա, որոնցից մեկը Ջուլֆայի մաքսային կետն է։

Աբբասզադեն հավելել է, որ Ջուլֆայի մաքսային կետով օրական անցնում է մոտ 300 բեռնատար։ Նոր մաքսակետի կառուցումից և գործարկումից հետո թողունակությունը կաճի մինչև օրական 1300 բեռնատար։

Կալալա-Աղբանդ ավտոմայրուղու կամրջի բացումը նախատեսված է մարտին։ 216 մետր երկարությամբ և 24.5 մետր լայնությամբ կամուրջը կկապի 112 կիլոմետր երկարությամբ Հորադիս-Ջաբրայիլ-Զանգիլան-Աղբանդ ճանապարհն Իրանի ճանապարհային ցանցի հետ՝ Արաքս գետի վրայով։