Русский
Իրանի՝ պաշտոնական այցով Աշգաբադ ժամանած նախագահ Մասուդ Փեզեշկիանը հանդիպել է Թուրքմենստանի Ժողովրդական ժողովի նախագահ Սերդար Բերդիմուհամեդովի հետ։ Կողմերը քննարկել են երկկողմ հարաբերությունները և տարածաշրջանում ստեղծված իրավիճակը։ «Մենք պետք է ընդլայնենք մեր կապերն ու համագործակցությունը, քանի որ համաշխարհային հանրությունը իսկապես կարիք ունի մոտեցմանը, որն առաջարկվում է «Խաղաղության և վստահության» միջազգային ֆորումի շրջանակներում»,- հայտարարել է Իրանի նախագահը։
Աշխաբադում անցկացվում է «Խաղաղության և վստահության» միջազգային ֆորումը, որը համընկնում է Թուրքմենստանի չեզոքության 30-ամյակի հետ։ Ֆորումին մասնակցում են Կենտրոնական Ասիայի պետությունների ղեկավարները, նաև Թուրքիայի և Ռուսաստանի նախագահներ Ռեջեփ Թայիփ Էրդողանն ու Վլադիմիր Պուտինը։