Ամերիկյան Fox հեռարձակող ընկերությունը, Indeed միջազգային աշխատանքի որոնման կայքի հետ համագործակցությամբ, հայտարարել է «2026 թվականի Աշխարհի առաջնության գլխավոր դիտորդի» թափուր աշխատատեղի մասին։

Fox-ը նախատեսում է վարձել «մեկ որակավորված երկրպագու»՝ «Fox One»-ով Նյու Յորքի Թայմս Սքվերում գտնվող «հատուկ նշանակված վայրից» առաջիկա Աշխարհի առաջնության բոլոր 104 խաղերը դիտելու համար։

Բոլոր խաղերը դիտելու համար առաջարկվող աշխատավարձը 50,000 դոլար է։

«Աշխարհի առաջնության գլխավոր դիտորդը» պատասխանատու կլինի խաղերի յուրաքանչյուր րոպեն դիտելու, մրցաշարի ընթացքում բովանդակություն ստեղծելու և հրապարակելու, Թայմս Սքվերի լսարանը կառավարելու համար։

2026 թվականի Աշխարհի առաջնությունում առաջին անգամ կմասնակցեն 48 ազգային հավաքականներ: Այն նաև առաջինը կլինի, որը կանցկացվի երեք երկրներում՝ ԱՄՆ-ում, Կանադայում և Մեքսիկայում։ Մրցաշարը կանցկացվի հունիսի 11-ից մինչև հուլիսի 19-ը։