Սեպտեմբերի 12-ին Ռուսաստանի դեսպան Ս.Պ. Կոպիրկինն ընդունել է ՄԱԿ-ի Պարենի համաշխարհային ծրագրի հայաստանյան գրասենյակի նորանշանակ տնօրեն Լեյլա Մելոյին:
Զրույցի ընթացքում անդրադարձ է կատարվել Կայուն դպրոցական սննդի զարգացում ծրագրի շրջանակներում փոխգործակցության հեռանկարներին, որը Հայաստանում հաջողությամբ իրականացվում է Ռուսաստանի Դաշնության կառավարության աջակցությամբ 2010 թվականից:
Կողմերը նշել են Ռուսաստանի Դաշնության, ՄԱԿ-ի և Հայաստանի կառավարության միջև համագործակցության բարձր արդյունավետությունը և ծրագրի 5-րդ փուլի շրջանակներում սերտ համակարգման պատրաստակամությունը։