ԱՄՆ պետքարտուղար Մարկո Ռուբիոն շնորհավորել է Ռուսաստանի օրվա կապակցությամբ:
Ռուբիոն նշել է Վաշինգտոնի ցանկությունը՝ կառուցողական համագործակցություն հաստատել ՌԴ-ի հետ՝ Ռուսաստանի և Ուկրաինայի միջև կայուն խաղաղություն հաստատելու համար։
«Հույս ունենք, որ խաղաղությունը կխթանի մեր երկրների միջև ավելի փոխշահավետ հարաբերությունների զարգացմանը»,- ընդգծել է ԱՄՆ պետքարտուղարը։
Բացի այդ, ԱՄՆ նախագահ Դոնալդ Թրամփն ընդունել է Ռուսաստանի դեսպան Ալեքսանդր Դարչիեւի հավատարմագրերը, այս մասին «ՌԻԱ Նովոստի»-ին հայտնել է Ռուսաստանի դիվանագիտական ներկայացուցչությունը։
Արարողությունը տեղի է ունեցել Սպիտակ տանը, որի ընթացքում Դարչիեւը պաշտոնապես ստանձնել է դիվանագիտական առաքելության ղեկավարի պաշտոնը։