Երեկ գիշեր «Աստղիկ» բժշկական կենտրոնի ծննդատուն են տեղափոխել 27-ամյա հղի կնոջ, որի մոտ առաջացել են ծննդաբերական ցավեր։ Մի քանի ժամ հետո բժիշկները մոտեցել են ծննդկանի հարազատներին և ասել են, որ նորածինը մահացել է։
Նախօրեին «Աստղիկ» բժշկական կենտրոնում նորածնի մահվան դեպքի առթիվ նախաձեռնվել է քրեական վարույթ՝ բուժաշխատողի կողմից մասնագիտական պարտականությունները չկատարելու կամ ոչ պատշաճ կատարելու հատկանիշներով: Այս մասին MediaHub-ին հայտնեցին Քննչական կոմիտեից:
«Իրավական գործընթաց է ընթանում, դիակի դատաբժշկական փորձաքննություն է, նախաքննություն է ընթանում, խորապես ցավում ենք դեպքի հետ կապված»,- MediaHub-ին նշեցին Առողջապահության նախարարությունից։
Մարիաննա Արամյան