ԵՄ-Չինաստան հարաբերությունները «հասել են շրջադարձային կետի», բայց կայուն կապերը պետք է փոխշահավետ լինեն, այս մասին հայտարարել է Եվրոպական հանձնաժողովի նախագահ Ուրսուլա ֆոն դեր Լեյենը։
Ուրսուլա ֆոն դեր Լեյենը և Սի Ծինպինը բանակցել են Պեկինում գագաթնաժողովի ժամանակ։
«Մեր համագործակցության խորացմանը զուգընթաց խորացել են նաև անհավասարակշռությունները։ Մենք հասել ենք շրջադարձային կետի», - ասել է ֆոն դեր Լեյենը։
Նա նկատի է ունեցել է ԵՄ-ի առևտրային դեֆիցիտը Չինաստանի հետ, որը անցյալ տարի հասել է պատմական 305.8 միլիարդ եվրոյի։
«Մեր երկկողմ հարաբերությունների վերահավասարակշռումը կարևոր է։ Եվ առանցքային է, որ Չինաստանն ու Եվրոպան ընդունեն մեր մտահոգությունները և առաջարկեն իրական լուծումներ», - ընդգծել է Եվրոպական հանձնաժողովի նախագահը։
Հանդիպման ընթացքում Սի Ծինպինը կոչ է արել ԵՄ-ին «կայացնել ճիշտ ռազմավարական ընտրություն»։
«Որքան լուրջ և բարդ է միջազգային իրավիճակը, այնքան ավելի պետք է Չինաստանը և ԵՄ-ն ամրապնդեն կապերը, ամրապնդեն փոխադարձ վստահությունը և խորացնեն համագործակցությունը», - պատասխանել է Սին։
Չինաստանի ղեկավարը նաև ասել է, որ «չինացի և եվրոպացի առաջնորդները պետք է կատարեն ճիշտ ռազմավարական ընտրություն, որը կբավարարի ժողովրդի սպասելիքները»։