«Կրոկուս» համերգասրահում տեղի ունեցած ահաբեկչական հարձակումը կատարվել է Կիեւի հրահանգով, քննիչներն ավարտել են գործի հետաքննությունը, դրանում ներգրավված է 19 մարդ, РБК-ին հայտնել են Քննչական կոմիտեի (ՔԿ) մամուլի ծառայությունից։
2024 թվականի մարտի 22-ի երեկոյան զինված անձինք մտել են «Կրոկուսի» շենք, որտեղ պետք է տեղի ունենար «Պիկնիկ» երաժշտական խմբի համերգը, կրակ են բացել հավաքված հանդիսատեսի վրա և հրդեհել շենքը։ Ահաբեկչական հարձակման հետևանքով զոհվել է 149 մարդ, մեկն անհետ կորել է, իսկ 609 քաղաքացի վիրավորվել և ստացել տարբեր աստիճանի վնասվածքներ։ Հարձակման հետևանքով պատճառված ընդհանուր վնասը կազմել է մոտ 6 միլիարդ ռուբլի։
Քննչական կոմիտեն հայտնել է, որ ահաբեկչությունը կատարել են «Վիլայաթ Խորասան» (Ռուսաստանում արգելված) ահաբեկչական կազմակերպության անդամները, նաև նրանց հանցակիցները։ Հետաքննությունը պարզել է, որ ահաբեկչական հարձակումը կատարվել է Կիեւի հրահանգով՝ Ռուսաստանում քաղաքական իրավիճակը անկայունացնելու համար։ Մեղադրյալներից մի քանիսը պլանավորել էին նաև պայթեցնել Դաղստանի Կասպիյսկ քաղաքում զվարճանքի համալիրը, սակայն հանցագործությունը կանխվել է։