Այսօր՝ սեպտեմբերի 20-ին, ավտովթար է տեղի ունեցել Երևանում։ Ժամը 09:15-ի սահմաններում «Հյուսիս-հարավ» ավտոճանապարհի՝ «Դեֆանս Հաուզինգ» թաղամասի դիմաց բախվել են «Volkswagen» մակնիշի ավտոմեքենան և քարերով բարձված «KamAZ» մակնիշի բեռնատարը։

Ինչպես դեպքի վայրից հայտնում է ֆոտոլրագրող Գագիկ Շամշյանը, ըստ նախնական տեղեկությունների բարեբախտաբար տուժածներ չկան։

Տեղում պարեկները պարզել են, որ «KamAZ»-ը եղել է կայանված։

Վթարի հետևանքով «Volkswagen»-ը կարելի է ասել ամբողջությամբ փակել է ճանապարհը, ինչի համար ստեղծվել է արհեստական խցանում, որը հասնում է մոտ 2 կիլոմետրի։