Գեւորգ Սրբազանը մոռացե՞լ է, թե ո՞վ էր այն անձը, որ հրամայել էր արշավել Վեհարանի վրա։
Շրջիկ «հավատացյալ» Փաշինյանը հիմա էլ հոգեւորականությանն է իր հոտին դեմ հանում։
Հիշո՞ւմ եք, երբ Վեհարանի վրա տեղի ունեցավ արշավ դիմակավորված ուժայինների կողմից, որպեսզի Միքայել Սրբազանին ձերբակալեին, Գեւորգ Սրբազանը, որ այսօր մասնակցել է Փաշինյանի ներկայությամբ ու իր թիմակիցների մասնակցությամբ կիրակնօրյա պատարագին, ինչպիսի ազդեցիկ պահվածք էր դրսեւորում եւ դա շատ նորմալ էր իր պարագայում, որովհետեւ դիմակավորված ուժայինները հարձակվել էին իր ավագ եղբոր վրա ու ոչ միայն Մայր Աթոռ Սուրբ Էջմիածնի, որ ապօրինաբար ձերբակալեին Միքայել Սրբազանին։ Իսկ այսօր, երեւի մոռացել է Գեւորգ Սրբազանը, թե ո՞վ էր Վեհարանի վրա դիմակավորված ուժայիններին հրաման տվողը։ Գեւորգ Սրբազանը այսօր Փաշինյանի ձեռքը սեղմեց եւ փաստորեն ստորագրեց Կաթողիկոսի վրա տեղի ունենալիք արշավի թղթի տակ։
Իհարկե, Փաշինյանը ամեն կիրակի մի եկեղեցի կընտրի ու կգնա, որի պատճառով պետք չէ, որ Փաշինյանի պատճառով պատարագ չմատուցի, բայց դրան էլ ձեւ կա։ Թո՛ղ գնա, կանգնի իր շուրջինների հետ, ինչպես կարգն է, թո՛ղ մատուցվի պատարագը ամբողջապես եւ վերջ։ Բայց որ հատուկ ուշադրության է արժանանում նա, դա արդեն մի տեսակ դավաճանին համահավասար քայլ է, երբ երկրիդ ղեկավարը, ընտրված Ամենայն Հայոց Կաթողիկոսին դիմում է իր աշխարհիկ անունով ու լուտանք թափում նրա հասցեին, իսկ Կաթողիկոսին ենթարկվող ենթակաները, (ոչ բոլորը) ոչ մի կերպ չեն սատարում նրան.
Դա բարոյական չէ, մեղմ ասած դավաճանություն է։ «Եվ դո՞ւ Բրուտոս», հարմար է, որ ամենը բարդես քո իսկ քահանայի վրա, ու պատասխանատվությունից քեզ մաքրես։
Բա դու ո՞վ ես, որ քո ենթակայության տակ գտնվող քահանան ինքնագլուխ բաներ անի հազարամյակներով հաստատված Սուրբ պատարագը խմբագրի, կրճատի, թե՞ լավ էլ իրարով համաձայնության եք եկել։ Փաստորեն լավ էլ եկել եք։ Իսկ Կաթողիկոսը պետք է ներսում կարգ ու կանոն ստեղծի, կամ մեզ հոտին հայրաբար խնդրի, որ այլեւս չխառնվենք իրենց ու իրենց վարչապետի գործերին, կամ, թո՛ղ մեկնաբանի, ի՞նչ է այսօրվա Գեւորգ Սրբազանի պահվածքը «խորհրդանշում». Վերջիվերջո, ի՞նչ է դրա անունը։
Ես համոզված եմ, որ հետայսու, Փաշինյանը ստորացնելու, նվաստացնելու, խեղճացնելու է մյուս Սրբազաններին։ Ըստ երեւույթին հրաման է իջեցրել. «ով կենթարկվի ինձ դուխով ու հպարտ Նիկոլին չի՛ դատվի»։ «Ջհանդամին» (պարսկական բառ), թե չի դատվի Աստծո կողմից։
Փաշինյանը 2018 թվից սկսած, իր ո՞ր խոստումն է կատարել, որ...
Փաստորեն անազատության մեջ են այն Սրբազանները, եւ առաջիկայում կլինեն նաեւ նրանք, ովքեր ոչ միայն մեր Ազգային եկեղեցու անսասան կողմն են, այլ իրենց հոգեւոր առաջնորդի ընտրված Ամենայն Հայոց Կաթողիկոսի։ Մնացյալը խառնակչության պես մի բան է սեւացնել ու վարկաբեկել հոգեւորականությանը, որ կողքից դիտարկվի` «բոլորն են շրջիկ հավատացյալ Նիկոլինը»։
Արթուր Հայրապետյան