Դրամի փոխարժեքը՝ այսօր
Եղանակը՝ այսօր
Միջազգային

Ուկրաինան վերականգնելու համար անհրաժեշտ է ստեղծել «Մարշալի պլանի» անալոգը․ Քելլոգ

Blog Image

ԱՄՆ նախագահի հատուկ ներկայացուցիչ Քիթ Քելլոգը հայտարարել է, որ Ուկրաինան վերականգնելու համար մեզ անհրաժեշտ է Մարշալի պլանի անալոգը, գրել են ԶԼՄ-ները։

«Ես հիշում եմ ուսանողական տարիներից այն պատմությունը, թե ինչ է իրենից ներկայացնում ամերիկյան «Մարշալի պլանը»... Կարծում եմ, որ մենք պետք է նույնը անենք Ուկրաինայի հետ՝ վերականգնել այն, ինչ կար։ Դա հեշտ չի լինի... Կարծում եմ, որ մենք պատրաստ ենք դրան», - նշել է Քելլոգը։

Եվ նա հավելել է, որ Հռոմում Ուկրաինայի վերականգնման վերաբերյալ «URC2025» համաժողովը կարևոր է հենց այս առումով։

«Մարշալի պլանը», որը պաշտոնապես կոչվում է «Եվրոպական վերականգնման ծրագիր», Երկրորդ համաշխարհային պատերազմից հետո Եվրոպային օգնության ամերիկյան ծրագիրն է եղել։ Այն նախաձեռնվել է 1947 թվականին ԱՄՆ պետքարտուղար Ջորջ Մարշալի կողմից և նախատեսել է ֆինանսական, նյութական և տեխնիկական օգնության հատկացում եվրոպական երկրներին՝ նրանց տնտեսությունները վերականգնելու համար։

Send