Մոսկվայից Սանկտ Պետերբուրգ մի քանի չվերթների ուղևորներն ավելի քան 10 ժամ չեն կարողացել թռիչք կատարել։ Դա պայմանավորված է եղել անօդաչու թռչող սարքերի հարձակումների սպառնալիքով և օդանավակայանի գործունեության սահմանափակումներով՝ սկզբում Սանկտ Պետերբուրգում, ապա Մոսկվայում։
Ամենամեծ ուշացումները նկատվել են Շերեմետեւո օդանավակայանում։ Ուղևորների խոսքով՝ նրանցից մի քանիսը օդանավակայանում են եղել կեսգիշերից։
Գիշերը «Պուլկովո» օդանավակայանում սահմանափակումներ են մտցվել. ժամը 23:15-ից մինչև 05:35-ը դադարեցվել է ինքնաթիռների ընդունումը և բացթողումը։
Ուղևորներից մեկը պատմել է, որ իրենց ինքնաթիռը կարողացել է թռչել գրեթե մինչև Սանկտ Պետերբուրգ, որից հետո ինքնաթիռը հետ է ուղարկվել «Շերեմետեւո»,- գրել է «Բազան»։ Այնուհետև նրանց թռիչքը մի քանի անգամ հետաձգվել է։