Իսրայելում առավոտյան սուպերմարկետների մոտ հսկայական հերթեր են եղել։

Մարդիկ պաշարներ են հավաքում իրենց անհրաժեշտ ամեն ինչով՝ սպասելով Իրանի արձագանքին հարձակումներին: 

Ավելի վաղ Իսրայելի վարչապետ Բենյամին Նեթանյահուն կոչ էր արել պաշարներ հավաքել ու թաքնվել ապաստարաններում: Նեթանյահուն նշել էր, որ քաղաքացիները կարող են երկար ժամանակ մնալ այնտեղ: Իսրայելական գործողությունը կտևի առնվազն երկու շաբաթ։

Ավելի քան 150 իրանական անօդաչու թռչող սարքեր հատել են Իրաքի օդային տարածքը և ուղղվել դեպի Իսրայել՝ պատասխան հարված հասցնելու համար, գրել են ԶԼՄ-ները։

Իսրայելը հայտնաբերել է Իրանից մոտ 100 անօդաչու թռչող սարքերի արձակում, Ռազմաօդային ուժերը և ՀՕՊ համակարգերը դրանք պատրաստ են որսալու, ՏԱՍՍ-ին հայտնել են Իսրայելի բանակից։

Իսրայելը գիշերը հարձակվել է Իրանի Արևելյան Ադրբեջան նահանգում տեղակայված 10 օբյեկտի վրա, Թավրիզի վրա հարվածից հետո զոհվել է 3 իրանցի, հայտնել են երկրի արտակարգ ծառայությունները։ Իսրայելի մի քանի հարվածների հետևանքով Իրանում ավելի քան 300 թիրախ է խոցվել։ Առաջինը ոչնչացվել են ՀՕՊ ուժերը և վաղ նախազգուշացման ռադարային կայանները։

Հորդանանի ՀՕՊ-ը հունիսի 13-ի առավոտյան խոցել է մի քանի հրթիռներ և անօդաչու թռչող սարքեր, որոնք մտել էին թագավորության օդային տարածք, հաղորդել է Petra գործակալությունը։

Իսրայելում ԱՄՆ դեսպանատունը կոչ է արել ամերիկացի պետծառայողներին և նրանց ընտանիքների անդամներին ապաստան գտնել

Իրանը կոչ է արել ՄԱԿ-ին Անվտանգության խորհրդի նիստ հրավիրել։

Լուսանկարներն այստեղ