Բժիշկ և հեռուստահաղորդավար Ալեքսանդր Մյասնիկովը հորդորել է չտարվել սննդային հավելումներով և չփոխարինել դեղամիջոցները դրանցով։
Ռուսաստանի Ազգային լրատվական ծառայության հետ զրույցում նա ասել է, որ սննդային հավելումը մի նյութ է, որը նախատեսված չէ որևէ հիվանդության կանխարգելման, բուժման կամ ախտորոշման համար։
«Շատերը ցանկանում են իրենց ծուլությունն ու ճիշտ ապրելու անկամությունը փոխարինել սննդային հավելումներով։ Ճիշտ սնունդը, ֆիզիկական դաստիարակությունը դժվար են։ Հաբերը քիմիա են, մենք դրանք չենք սիրում։ Բայց ընդունում եք սննդային հավելումներ, և, կարծեք, ամեն ինչ պետք է լավ լինի», - ընդգծել է փորձագետը։
Ըստ նրա՝ մարդիկ հաճախ դեղամիջոցները փոխարինում են սննդային հավելումներով, փորձելով բուժել շաքարախտը, հիպերտոնիան և այլ հիվանդություններ՝ անտեսելով ինքնաբուժման իրական վտանգը։ Շատերը կախվածություն ունեն կասկածելի արտադրանքից, ինչը չափազանց ռիսկային է։
«Խնդիրը սննդային հավելումները չէ, այլ բժշկական անգրագիտության և ճիշտ բուժում ստանալու ցանկության բացակայությունը»,- եզրափակել է Մյասնիկովը։