ՀՀ ՏԿԵ նախարար Դավիթ Խուդաթյանն այսօր մարզպետների մասնակցությամբ հերթական խորհրդակցությունն է անցկացրել։ Այս մասին տեղեկացնում են ՏԿԵ նախարարությունից:
Քննարկվել են աշխատանքային 2025 թվականի հոկտեմբերի 1-ի դրությամբ համայնքների սեփական եկամուտների հավաքման, ՏԿԵՆ բյուջեի կազմում մարզպետների աշխատակազմերի կողմից իրականացվող ծրագրերի կատարողականների վերաբերյալ հարցերը։
Նախարարը հանձնարարել է ակտիվացնել հավաքումների գործընթացը՝ տարեվերջին բարձր կատարողականներ ապահովելու նպատակով։
Քննարկվել են նաև համայնքների ենթակառուցվածքների զարգացմանն ուղղված սուբվենցիայի ծրագրերի, հրատապ աշխատանքների հետ կապված հարցեր։