«Բարսելոնան» խոշոր հաշվով հաղթանակ տարավ «Վալենսիայի» նկատմամբ Իսպանիայի ֆուտբոլի առաջնության չորրորդ տուրում։
Հանդիպումը, որը կայացավ Բարսելոնայում, ավարտվեց 6:0 հաշվով։ Դուբլի հեղինակներ դարձան Ռաֆինյան, Ֆերմին Լոպեսը և Ռոբերտ Լևանդովսկին։
«Բարսելոնան» 10 միավորով երկրորդն է Լա Լիգայի մրցաշարային աղյուսակում, իսկ «Վալենսիան» 4 միավորով զբաղեցնում է 15-րդ հորիզոնականը։
Հանսի Ֆլիկի թիմը հաջորդ խաղում սեպտեմբերի 21-ին կհյուրընկալի «Խետաֆեին», իսկ «Վալենսիան» սեպտեմբերի 20-ին սեփական հարկի տակ կմրցի «Աթլետիկ Բիլբաոյի» հետ։