Մոսկվան չի ստացել Թրամփի՝ Ուկրաինայի վերաբերյալ ծրագիրը, դրա կետերի վերաբերյալ առարկայական քննարկում չի եղել, ասել է Կրեմլի խոսնակ Դմիտրի Պեսկովը։

- Ռուսաստանը տեղյակ է ԱՄՆ խաղաղության ծրագրի հնարավոր փոփոխությունների և ձևակերպումների մասին, բայց Մոսկվան պաշտոնապես ոչինչ չի ստացել Վաշինգտոնից;

- Ռուսական կողմը շարունակում է հավատարիմ մնալ Անքորիջում տեղի ունեցած քննարկումներին;

- ԱՄՆ 28 կետանոց խաղաղության ծրագիրն առարկայական չի քննարկվել Ռուսաստանի հետ;

- Ռուսաստանի զինված ուժերի արդյունավետ աշխատանքը պետք է համոզի Զելենսկիին, որ խաղաղ կարգավորմանը անցնելու ժամանակը հիմա է;

- Զելենսկիի որոշումներ կայացնելու ազատությունը կրճատվում է, քանի որ Ուկրաինան կորցնում է տարածքներ;

- Կիևի կողմից շարունակական ռազմական գործողությունները անիմաստ և վտանգավոր են;

- Ռուսաստանի և ԱՄՆ-ի միջև Ուկրաինայի շուրջ շփումները չեն դադարել և երբեք էլ չեն դադարել;

- Կրեմլը մտադիր չէ Ուկրաինայի շուրջ «մեգաֆոնային» բանակցություններ վարել;

- Թրամփի հետ նոր գագաթնաժողովը կարևոր է և անհրաժեշտ, բայց դրան պետք է նախորդի փորձագիտական ​​«տնային աշխատանք»։