Քիչ առաջ վթար է տեղի ունեցել Աբովյան փողոցում. 14 համարի ավտոբուսը հարվածել է Աբովյան քաղաքը սպասարկող «Մուլտիտրանս» ընկերության մեքենային, որն ընթացքի պահին կտրուկ արգելակել է, և 14 համարի ավտոբուսը հարվածել է նրան։
Արդյունքում մեկ քաղաքացի տեղափոխվել է հիվանդանոց։
«Որևէ ծանր վնասվածք չունի, տեղափոխել են հիվանդանոց, ես էլ եկել եմ տեսակցության։ Հիմա ԿՏ էլ կանեն, ու ուղևորը կգնա տուն»,- MediaHub-ի հետ զրույցում ասաց «Երևան ավտոբուս» ՓԲԸ-ի մամուլի խոսնակ Գեղամ Ասատրյանը։
Նա տեղեկացրեց, որ նման բոլոր դեպքերում ուղևորների բուժզննման ծախսերը հոգում են իրենք՝ ապահովագրության հաշվին։
Նարե Գնունի