Հոլանդական «Այաքսը» հրաժարվել է պայմանագիր կնքել «Կրասնոդարի» կիսապաշտպան Էդուարդ Սպերցյանի հետ Ռուսաստանի հետ հարաբերություններում «բարոյական տարաձայնությունների» պատճառով, գրել են ԶԼՄ-ները։
Ավելի վաղ Սպերցյանը «Մատչ ՏՎ»-ին ասել էր, որ դեռ չի կարող պատասխանել այն հարցին, թե արդյոք հաջորդ մրցաշրջանում կմնա «Կրասնոդարում»։
Աղբյուրի փոխանցմամբ՝ «Այաքսը» կիսապաշտպան է փնտրում և Սպերցյանին դիտարկում է որպես թեկնածու, սակայն ստիպված է եղել հրաժարվել տրանսֆերից՝ Ռուսաստանի հետ հարաբերություններում առկա «բարոյական տարաձայնությունների» պատճառով։
2024/25 մրցաշրջանում «Կրասնոդարի» սանն անցկացրել է 35 խաղ, խփել է 11 գոլ և կատարել 6 գոլային փոխանցում։ Ուրբաթ օրը 25-ամյա Սպերցյանը ճանաչվել է ՌՊԼ-ի անցած մրցաշրջանի լավագույն կիսապաշտպան։