Ուրցաձորի նախկին համայնքապետ Ռաֆիկ Անդրեասյանին երկու ամսով կալանավորել են։ Այդ մասին MediaHub-ի հետ զրույցում ասաց նրա փաստաբանը՝ Վահե Զոհրաբյանը։

Նրա խոսքով՝ Հակակոռուպցիոնը 24-ժամյա ռեժիմ ընթացակարգով է Անդրեասյանի խափանման միջոցն ընտրել։

«Ռաֆիկ Անդրեասյանին մեղադրանք է առաջադրվել նախկին քրեական օրենսգրքի 308-րդ հոդվածի 2-րդ մասով, այն է՝ պաշտոնեական դիրքի չարաշահում, որն անզգուշությամբ ծանր վնաս է հասցրել համայնքին»,- ասաց փաստաբանը։

Վահե Զոհրաբյանը տեղեկացրեց, որ Ռաֆիկ Անդրեասյանը մեղադրանքը չի ընդունում։

Հակակոռուպցիոն կոմիտեից հաստատեցին, որ Արարատի մարզի Ուրցաձոր համայնքի նախկին ղեկավարը ձերբակալվել է Կոմիտեում քննվող քրեական վարույթի շրջանակում: Նրա նկատմամբ քրեական հետապնդում է հարուցվել ՀՀ նախկին քրեական օրենսգրքի 308-րդ հոդվածի 2-րդ մասով և 314-րդ հոդվածի 1-ին մասով: Որպես խափանման միջոց է կիրառվել կալանքը:

Նարե Գնունի