Լեհաստանի բանակը օդ է բարձրացրել կործանիչներ և ՀՕՊ համակարգերը բերել է բարձր պատրաստվածության այն բանից հետո, երբ Ուկրաինային Ռուսաստանի հարվածների ժամանակ ԱԹՍ-ները հատել են Լեհաստանի օդային տարածքը, հայտնել են լեհական իշխանությունները։
Երկրի պաշտպանության նախարար Վլադիսլավ Կոսինյակ-Կամիշը հայտարարել է, որ ինքնաթիռներն «զենք են օգտագործել թշնամական օբյեկտների դեմ»։
Լեհաստանը Երևանի ժամանակով ժամը 10:00-ին արտակարգ անվտանգության խորհրդի նիստ է գումարում՝ առավոտյան միջադեպից հետո առաջացած մտահոգությունների ֆոնին։
Լեհական զինված ուժերի օպերատիվ հրամանատարությունը հայտարարել է, որ ռուսական ԱԹՍ-ները մի քանի անգամ խախտել են Լեհաստանի օդային տարածքը։