Տարածքների հնարավոր փոխանակումը պետք է քննարկվի՝ հաշվի առնելով շփման ներկայիս գիծը, հայտարարել է ԱՄՆ նախագահ Դոնալդ Թրամփը իր ուկրաինացի գործընկեր Վլադիմիր Զելենսկու և եվրոպացի առաջնորդների հետ հանդիպման ժամանակ։
«Դա նշանակում է մարտական գոտի, առաջնագիծ և այլն», - ասել է նա։
Թրամփը նաև ասել է, որ բանակցությունների սեղանի շուրջ քննարկվելիք հիմնական հարցերից մեկը Ուկրաինայի անվտանգության երաշխիքներն են։ Սպիտակ տան ղեկավարի խոսքով՝ Ալյասկայում կայացած գագաթնաժողովից հետո նա ավելի վստահ է, որ խաղաղությունը, չնայած դժվարություններին, հասանելի է։ Նա Կիևի համար երաշխիքների վերաբերյալ համաձայնագիրը անվանել է Ռուսաստանի նախագահ Վլադիմիր Պուտինի կողմից «շատ կարևոր քայլ»։
«Ըստ էության, ես լավատես եմ, որ միասին կարող ենք հասնել համաձայնության, որը կկանխի Ուկրաինայի դեմ ցանկացած ապագա ագրեսիա, չնայած իրականում կարծում եմ, որ դա տեղի չի ունենա։ Կարծում եմ՝ դա նույնիսկ գերագնահատված է, շատ գերագնահատված», - հավելել է ԱՄՆ նախագահը։ Նա կարծում է, որ եվրոպական երկրները կստանձնեն բեռի մեծ մասը։