Ադրբեջանում քրեական գործ է հարուցվել Ռուսաստանի իրավապահների դեմ՝ Ադրբեջանի քաղաքացիների և ադրբեջանական ծագում ունեցող անձանց նկատմամբ «խոշտանգումների և առանձնահատուկ դաժանությամբ կանխամտածված սպանության փաստի առթիվ»։
Ըստ ադրբեջանական կողմի՝ ռուս ուժայինները խոշտանգել ու կտտանքներ են կիրառել անցած շաբաթավերջին Եկատերինբուրգում տեղի ունեցած օպերատիվ-հետախուզական միջոցառումների ժամանակ։ Գործողությունների հետևանքով Ադրբեջանի երկու քաղաքացիներ էին մահացել, մի քանիսը ձերբակալվել՝ ավելի վաղ կատարված հանցագործություններին մասնակցելու կասկածանքով։
Բաքուն նշել է, որ ադրբեջանցիները մահացել են ծառայողական մեքենայում ստացած վնասվածքների հետևանքով։