Անվտանգության ուժերը ձերբակալել են «Ալռոսա»-ից հում ադամանդներ գողացող հանցախմբի, որը մաքսանենգ ճանապարհով Հայաստան փորձել է ապրանք տեղափոխել, հայտնել է ՌԴ Քննչական կոմիտեն։
Ավելի քան 1.7 միլիոն ռուբլու արժողությամբ ադամանդների մեկ այլ խմբաքանակ գողանալու փորձի ժամանակ ձերբակալվել են ադամանդները գողացած ընկերության աշխատակից Վալենտինա Մատյուշչենկովան, նրա որդի Ալեքսեյ Մատյուշչենկովը, որը միջնորդ է եղել, նաև քարերը մաքսանենգ ճանապարհով տեղափոխող Արմեն Պետրոսյանը և Արման Սահակյանը։
Հարուցվել է քրեական գործ գողության և անօրինական շրջանառության հատկանիշներով։ Խուզարկությունների ընթացքում հանցախմբից առգրավվել են մոտ 200 հազար կարատ տեխնիկական ադամանդ, փող ու զարդեր։
ՌԴ ԱԴԾ-ն հայտնել է, որ գողացված ադամանդները Հայաստան են տեղափոխվել «ADM Diamond LLC» ընկերությանը, որի շահառուն հայ գործարար և Ազգային ժողովի ՔՊ-ական պատգամավոր Խաչատուր Սուքիասյանն («Գռզո») է։
Տեսանյութն այստեղ