Մոսկվան ափսոսում է, որ Փաշինյանը որոշել է Մինսկում կայանալիք ԵԱՏՄ հաջորդ նիստին հեռավար ձևաչափով մասնակցել, լրագրողներին ասել է ՌԴ նախագահի մամուլի քարտուղար Դմիտրի Պեսկովը։
«Հայաստանը Եվրասիական տնտեսական միության անդամ է, կարևոր անդամ»,- ասել է Պեսկովը։
Դեկտեմբերին Նիկոլ Փաշինյանը հայտարարել էր, որ տեսակոնֆերանսի միջոցով կմասնակցի Մինսկում կայանալիք Եվրասիական տնտեսական միության նիստին։ Մինչ այդ նա մեղադրել էր Բելառուսի նախագահ Ալեքսանդր Լուկաշենկոյին 44-օրյա պատերազմի ժամանակ Ադրբեջանին օգնելու համար՝ ասելով, որ չի այցելի Բելառուս, քանի դեռ Լուկաշենկոն է ղեկավար։