Համայնքային ոստիկանության Վաղարշապատի բաժնում ստացվել էր տեղեկություն, որ Արմավիրի մարզի Արշալույս գյուղի բնակիչ 29-ամյա տղամարդը կիսակառույց շինության նկուղում ապօրինի պահում է մարիխուանա։
Ստուգման նպատակով նոյեմբերի 26-ին ոստիկաններն այցելեցին տղամարդուն: Նա ընդունեց, որ նկուղում պահում է մարիխուանա, իսկ կանեփն էլ քաղել է վայրի աճած կանեփի բույսերից։
29-ամյա տղամարդը ձերբակալվեց և տեղափոխվեց բաժին։
Վաղարշապատի քննչական բաժնում հարուցված քրեական վարույթի շրջանակում կատարված զննությամբ հայտնաբերվեց պլաստիկ տարայով` ընդհանուր 218 գրամ քաշով մարիխուանայի նմանվող զանգված, երկաթյա տարայով` «Խիմկա» թմրանյութի պատրաստուկ և մեկ կաթուցիչ։
Տղամարդը տեղափոխվել է ձերբակալվածների պահման վայր։ Նախաքննությամբ հանգամանքները պարզվում են:
ՆԳՆ ոստիկանություն