Թուրքիայի նախագահ Ռեջեփ Թայիփ Էրդողանը իր ռուս գործընկեր Վլադիմիր Պուտինի հետ հեռախոսազրույցում հայտարարել է, որ դիվանագիտությունն Իրանի միջուկային ծրագրի շուրջ խնդիրը լուծելու միակ միջոցն է, այս մասին բանակցություններից հետո հայտնել է Թուրքիայի ղեկավարի գրասենյակը, գրել են ԶԼՄ-ները։
Հեռախոսազրույցի ընթացքում կողմերը քննարկել են Իրան-Իսրայել հակամարտությունը:
Էրդողանը նշել է, որ «Թուրքիան առաջին օրվանից կենտրոնացել է հարձակումները դադարեցնելու դիվանագիտական նախաձեռնությունների վրա, որ Իրանի շուրջ խնդիրները լուծելու միակ միջոցը դիվանագիտությունն է, և որ անհրաժեշտ է հնարավորինս շուտ վերադառնալ բանակցությունների սեղանի շուրջ»:
Էրդողանը նշել է, որ «Իսրայելի կողմից Իրանի վրա հարձակումից սկսված բռնության պարույրը սպառնում է ամբողջ տարածաշրջանի անվտանգությանը, որ Նեթանյահուի կառավարության անօրինական դիրքորոշումը հստակ սպառնալիք է միջազգային համակարգի համար, և որ տարածաշրջանը չի կարող թույլ տալ նոր պատերազմ»: