Այսօր, ՆԳՆ նախարար Արփինե Սարգսյանը հայտնեց, որ Ծափաթաղում որոնվող 3-ամյա Տիգրանի սպանության պատճառը հայրն է, ով երեխային սպանել է խեղամահ անելով։
Նախարարը նշեց նաև, որ Տիգրանի հայրը երեխային խեղդամահ է արել մյուս անչափահաս երեխայի ներկայությամբ։
Այս ահասարսուռ դեպքի մասով, Mediahub-ը դիմել է Աշխատանքի և սոցիալական հարցերի նախարարության մամուլի քարտուղար Նվեր Կոստանյանին, հասկանալու համար՝ արդյո՞ք երեխայի ծնողները կզրկվեն իրենց ծնողական իրավուքներից, քանի որ այդ ընտանիքում երեխանների հետագա կյանքը կարող է խիստ վտանգավոր լինել։
«Համայնքի և պետական այլ գերատեսչությունների հետ սերտորեն համագործակցում ենք, երեխանների լավագույն շահը ապահովելու համար։ Ծնողական խնամքից զրկելը համայնքի լիազորությունների շրջանակում է, բայց մենք համայնքի հետ ևս աշխատում ենք»,- նշեց Կոստանյանը։
Նա նաև նշեց, որ այդ ընտանիքը իրենց շահառուներից է՝ ստացել են սոցիալական աջակցություն։
Հիշեցնենք, որ հոկտեմբերի 27-ի, ժամը 18.00-ի սահմաններում, ՆԳՆ ոստիկանության օպերատիվ կառավարման կենտրոն հաղորդում է ստացվել, որ Գեղարքունիքի մարզի Ծափաթաղ գյուղի բնակիչ 2022 թվականին ծնված Տիգրան Օվանեսովը ժամը 16.30-ի սահմաններում կորել է։
3-ամյա Տիգրան Օգանեսովի անհետ կորելու դեպքի առթիվ նախաձեռնվել է քրեական վարույթ՝ Քրեական օրենսգրքի 155-րդ հոդվածի 2-րդ մասի հատկանիշներով (սպանությունը)։ Օրեր անց Տիգրանի մարմինը հայտնաբերվել է դաշտամիջյան հատվածում։
Էմմա Մարտիրոսյան