Ֆրանսիական ավտոարտադրողն ու պաշտպանական գործարանը համատեղ անօդաչու սարքեր կարտադրեն Ուկրաինայում։ Անօդաչու սարքերը կմատակարարվեն ոչ միայն ուկրաինացի զինվորականներին, այլեւ ֆրանսիական բանակին։
Այս մասին հայտարարել է Ֆրանսիայի պաշտպանության նախարար Սեբաստյան Լըկորնուն, գրել են ԶԼՄ-ները։
«Մենք կսկսենք բացարձակապես աննախադեպ համագործակցություն, որտեղ ֆրանսիական խոշոր ավտոարտադրողը, անունը չեմ անվանի, քանի որ այն պետք է հայտարարի այդ մասին, կհամագործակցի ֆրանսիական պաշտպանական գործարանի հետ՝ Ուկրաինայում արտադրական գծերը սարքավորելու համար, որպեսզի կարողանան անօդաչու թռչող սարքեր արտադրել»,- ասել է նախարարը։