Միացյալ Նահանգները հինգշաբթի օրը պատժամիջոցներ է սահմանել Միջազգային քրեական դատարանի (ՄՔԴ) չորս դատավորների նկատմամբ՝ կազմակերպության կողմից «քաղաքականացման և լիազորությունների չարաշահման» համար, ասվում է Պետդեպարտամենտի հայտարարության մեջ։
Պատժամիջոցներ են կիրառվել ՄՔԴ-ի վերաքննիչ բաժնի դատավորներ Սոլոմի Բալունջի Բոսսայի և Լուիս Դել Կարմեն Իբանես Կարանզայի, նաև նախաքննության և դատավարության բաժինների դատավորներ Ռեյն Ադելաիդա Սոֆի Ալապինի Գանսուի և Բետի Հոլերի դեմ։
«Այս անձինք անմիջականորեն մասնակցել են ՄՔԴ-ի անօրինական ջանքերին՝ ԱՄՆ կամ Իսրայելի քաղաքացիներին առանց նրանց համաձայնության հետաքննելու, ձերբակալելու, կալանավորելու կամ հետապնդելու համար։ Ո՛չ Միացյալ Նահանգները, ո՛չ էլ Իսրայելը Հռոմի ստատուտի կողմ չեն», - ասվում է հայտարարության մեջ։
Պետդեպարտամենտը հայտարարության մեջ նշել է, որ «ՄՔԴ-ն քաղաքականացված մոտեցում է ցուցաբերել և չարաշահել է իր լիազորությունները՝ ԱՄՆ-ին և [նրա] դաշնակիցներին հետաքննելու, մեղադրանք առաջադրելու և հետապնդելու համար»։