Ժողովրդին սիրող ու ժողովրդով հպարտացող Նիկոլ Փաշինյանն ու իր թիմը հիմա անթաքույց կերպով ժողովրդին համարում են, կներեք, համբալ, ոջիլ, զիբիլ։ Ի՞նչ է եղել։ Այս մարդկանց էությունը դուրս է եկել հանրային դաշտ, այն ժամանակ դա թաքցնում էին: Այդ մասին ԼուրջCast հաղորդման ընթացքում հայտարարել է ԱԱԾ նախկին տնօրեն, «Հայրենիք» կուսակցության նախագահ Արթուր Վանեցյանը։
Նրա խոսքով՝ իշխանություններն իրենց պահվածքով ցույց են տալիս, որ ատում են այս ժողովրդին և սիրում են այս ժողովրդի թշնամիներին՝ թուրքերին և ադրբեջանցիներին։
«Դուք տեսել եք, չէ՞, ցավոք սրտի, մեր երկրի ղեկավարը, ինչպիսի վերաբերմունք է ցույց տալիս Ադրբեջանի ու Թուրքիայի նախագահների նկատմամբ, և գալիս է Հայաստան, ինչպիսի վերաբերմունք է ցույց տալիս իր քաղաքացիների նկատմամբ։ Ընդ որում, կարևոր չէ՝ նրանք ընդդիմադի՞ր հայացքներ ունեցող քաղաքացիներ են, իշխանակա՞ն, թե՞ քաղաքականությամբ առհասարակ չհետաքրքրվող մարդիկ»,- նկատել է նա։
Ըստ Արթուր Վանեցյանի՝ իշխանությունը Հայաստանի Հանրապետության քաղաքացիների շահերը պետք է պաշտպանի, էս մարդիկ ատում են մեր ժողովրդին։
«Ո՞նց կարող են մարդիկ, որ ատում են հայ ժողովրդին, ներկայացնել հայկական շահը միջազգային ատյաններում կամ երկրի ներսում։ Անհնարին է»,- ամփոփել է խոսքը «Հայրենիք» կուսակցության նախագահ Արթուր Վանեցյանը։