Ուկրաինան մինչև տարեվերջ կներկայացնի Ռուսաստանի դեմ պատժամիջոցների նոր փաթեթ, դրանք կներառեն նաև սահմանափակումներ Չինաստանից այն անհատների նկատմամբ, ովքեր համագործակցում են ռուսական ռազմական արդյունաբերության հետ, հայտնել է Ուկրաինայի ղեկավար Վոլադիմիր Զելենսկին։

«Կլինի պատժամիջոցների առնվազն մեկ փաթեթ այն անհատների դեմ, ովքեր աշխատում են ռուսական ռազմական արդյունաբերության հետ, և դա ներառում է ոչ միայն Ռուսաստանից, այլև Չինաստանից անհատներին», - գրել է նա սոցիալական ցանցերում։

Պատժամիջոցների փաթեթը կներառի նաև նրանց, ովքեր արդարացնում են ռուսական գործողությունները լրատվամիջոցներում և մարզիկներին, ովքեր «գովաբանում են Ռուսաստանի պատերազմը Ուկրաինայի դեմ»։