Ռուսաստանը պլանավորում է անցնել փոքր ատոմակայանների (ԱԷԿ) սերիական արտադրության։ Այդ մասին հայտարարել է Ռուսաստանի նախագահ Վլադիմիր Պուտինը «AI Journey 2025» կոնֆերանսի լիագումար նիստում, որը հեռարձակվել է Կրեմլի Telegram ալիքով։
«Մենք պլանավորում ենք անցնել, ինչպես արդեն ասել եմ, փոքր և ցամաքային ատոմակայանների սերիական արտադրության», -ասել է պետության ղեկավարը։
Պուտինը հավելել է, որ առաջիկա երկու տասնամյակների ընթացքում նախատեսվում է շահագործման հանձնել 38 ԱԷԿ բլոկ Սիբիրում, Ուրալում և Հեռավոր Արևելքում։ Նրա խոսքով, դրանց համակցված հզորությունը գրեթե հավասար կլինի ներկայումս գործող ամբողջ ատոմային արտադրության հզորությանը։
Հոկտեմբերին Պուտինը հայտարարել է, որ Ռուսաստանից բացի ոչ ոք ներկայումս փոքր ԱԷԿ չի կառուցում։ Ռուսաստանի առաջնորդը նշել է, որ մյուս երկրները «ունեն ծրագրեր», բայց գործնականում «դրանք միայն Ռուսաստանում են իրականացվում»։ Նա ընդգծել է, որ «աշխարհում ոչինչ չի կատարվում»։
Հիշեցնենք, որ Նիկոլ Փաշինյանն ամիսներ առաջ հայտարարեց, որ Հայաստանը որոշել է Մեծամորի ԱԷԿ-ի փոխարեն կառուցել փոքր մոդուլային ատոմակայան։