Իրանը ոչ մի դեպքում միջուկային զենք չի ունենա, ավելի լավ է ամեն ինչ լուծել առանց պատերազմի, հայտարարել է ԱՄՆ նախագահ Դոնալդ Թրամփը։

«Կարծես թե նրանք դանդաղում են։ Դա ցավալի է։ Հիմա ես այնքան վստահ չեմ, որքան մի քանի ամիս առաջ էի։ Նրանց հետ ինչ-որ բան պատահեց, և հիմա ես շատ ավելի քիչ վստահ եմ, որ գործարքը կկայանա»,- ընդգծել է Թրամփը։

Նրա խոսքով՝ եթե Իրանը գործարք չկնքի, միջուկային զենք չի ունենա։ «Եթե կնքի, նույնպես չեն ունենա, հասկանո՞ւմ եք»,- ասել է Սպիտակ տան ղեկավարը։

«Նրանք անկասկած նոր միջուկային զենք չեն ունենա, այնպես որ այդ տեսանկյունից տարբերություն չկա։ Իհարկե, ավելի լավ է ամեն ինչ լուծել առանց պատերազմի, առանց զոհերի․ դա միշտ նախընտրելի է։ Ես պարզապես չեմ տեսնում նույն ցանկությունը համաձայնության գալու։ Կարծում եմ, որ նրանք սխալ են թույլ տալիս, բայց կտեսնենք։ Ժամանակը ցույց կտա», - ասել է Թրամփը «New York Post»-ի «Pod Force One» փոդքասթի եթերում։