Ֆրանսիայի և Իրանի նախագահները հեռախոսազրույց են ունեցել:
«Ինձ զանգահարեց Իրանի նախագահ Մասուդ Փեզեշկիանը։
Ես կրկնեցի իմ վճռական պահանջը՝ Սեսիլ Կոլերն ու Ժակ Պարին պետք է ազատ արձակվեն։ Նրանց անմարդկային կալանավորումն անարդար է։ Ակնկալում եմ, որ նրանք կվերադառնան Ֆրանսիա։
Ես նաև իմ խորը մտահոգությունը հայտնեցի Իրանի միջուկային ծրագրի վերաբերյալ։ Այստեղ կրկին իմ դիրքորոշումը հստակ է. Իրանը երբեք չպետք է միջուկային զենք ձեռք բերի, և Իրանին է մնում լիարժեք երաշխիքներ տալ, որ իր մտադրությունները խաղաղ են:
Համոզված եմ, որ ճանապարհ կա պատերազմին վերջ տալու և ավելի մեծ վտանգներից խուսափելու համար։
Դրան հասնելու համար մենք կարագացնենք Իրանի հետ Ֆրանսիայի և նրա եվրոպացի գործընկերների գլխավորած բանակցությունները»,- գրել է Ֆրանսիայի ղեկավար Էմմանուել Մակրոնը։