Պաղեստինի պետության ստեղծումը անհնար է առանց Իսրայելի համաձայնության, հայտարարել է ԱՄՆ պետքարտուղար Մարկո Ռուբիոն «Fox Radio»-ին տված հարցազրույցում՝ ի պատասխան լրագրողի խնդրանքի՝ մեկնաբանելու այն փաստը, որ Պաղեստինը ճանաչվել է ՄԱԿ-ի ավելի քան 140 անդամ երկրների կողմից։
«Այդ երկրներից ոչ մեկը չունի Պաղեստինի պետություն ստեղծելու կարողություն։ Պաղեստինի պետություն չի կարող լինել, եթե Իսրայելը չհամաձայնի դրան», - ընդգծել է Ռուբիոն։
Պետքարտուղարը նաև Պաղեստինի միակողմանի ճանաչումը այլ երկրների կողմից անվանել է անտեղի և հակաարդյունավետ քայլ։ Նա նշել է, որ այդ երկրները նույնիսկ չեն կարող որոշել, թե «որտեղ է այդ պաղեստինյան պետությունը, և ով է այն կառավարելու»։