Երկաթի պարունակությամբ մթերքները կօգնեն բարձրացնել արյան մեջ հեմոգլոբինի մակարդակը։ Այս մասին «Մոսկվա 24»-ին ասել է սննդաբան, բժշկական գիտությունների թեկնածու Դարյա Ռուսակովան։
Նրա խոսքով՝ հեմոգլոբինի սինթեզի համար անհրաժեշտ է հեմ երկաթ, որը ստացվում է կենդանական ծագման մթերքներից, և ոչ հեմ երկաթ՝ բուսական ծագման մթերքներից։ C վիտամինը կօգնի բարելավել նյութի ներծծումը։
Բժիշկը խորհուրդ է տվել սննդակարգում ներառել տավարի միս, լյարդ, հավի սրտեր, ձվի դեղնուց, հնդկացորեն, սպանախ, ճակնդեղ և նուռ։ C վիտամին առկա է բուլղարական պղպեղի, կիվիի, բրոկկոլիի և թթու կաղամբի մեջ։
«Կարևոր է նշել, որ երկաթով հարուստ սնունդը չպետք է միաժամանակ օգտագործել սուրճի և թեյի հետ։ Այս ըմպելիքները պարունակում են տանիններ, որոնք խաթարում են նյութի ներծծումը։ Կալցիումը նույնպես գործում է, ուստի երկաթ պարունակող մթերքները չպետք է ուտել կաթնամթերքի հետ միասին», - զգուշացրել է Ռուսակովան։