Ավելի քան 20 երկրի ղեկավարներ և 10 միջազգային կազմակերպությունների ղեկավարներ, այդ թվում և Նիկոլ Փաշինյանն ու Իլհամ Ալիևը օգոստոսի 31-ից սեպտեմբերի 1-ը կհավաքվեն Չինաստանի Տյանցզին քաղաքում՝ մասնակցելու Շանհայի համագործակցության կազմակերպության (ՇՀԿ) գագաթնաժողովին:

Չինաստանի արտաքին գործերի նախարարի օգնական Լյու Բինը թվարկել է այն երկները, որոնք կմասնակցեն գագաթնաժողովին՝ Հայաստան, Իրան, Ադրբեջան, Թուրքիա, Ռուսաստան, Բելառուս, Ղազախստան, Ղրղզստան, Տաջիկստան, Ուզբեկստան, Հնդկաստան, Պակիստան, Մոնղոլիա, Կամբոջա, Մալդիվներ, Նեպալ, Եգիպտոս, Թուրքմենստան, Ինդոնեզիա, Լաոս, Մալայզիա, Վիետնամ: Նման մասշտաբային միջոցառումները նախատեսում են երկկողմ հանդիպումներ երկրների առաջնորդների միջև: