Հայկական կողմի նախաձեռնությամբ Ռուսաստանի նախագահ Վլադիմիր Պուտինը հեռախոսազրույց է ունեցել Նիկոլ Փաշինյանի հետ, հայտնել է Կրեմլը։
«Նիկոլ Փաշինյանը մանրամասն տեղեկատվություն է տրամադրել օգոստոսի 8-ին Վաշինգտոնում ԱՄՆ նախագահ Դոնալդ Թրամփի և Ադրբեջանի նախագահ Իլհամ Ալիևի հետ հանդիպման արդյունքների վերաբերյալ: Վլադիմիր Պուտինը նշել է Երևանի և Բաքվի միջև կայուն խաղաղություն ապահովելու քայլերի կարևորությունը: Ռուսական կողմը հաստատել է իր պատրաստակամությունը՝ ամենաբարձր մակարդակով աջակցելու 2020-2022 թվականներին ընդունված հայտնի եռակողմ համաձայնագրերին:
Վլադիմիր Պուտինը խոսել է ԱՄՆ նախագահի հատուկ բանագնաց Սթիվեն Վիտկոֆֆի հետ զրույցի և Ալյասկայում Դոնալդ Թրամփի հետ հանդիպման նախապատրաստական աշխատանքների մասին: Փաշինյանը «ողջունել է ուկրաինական ճգնաժամի խաղաղ կարգավորմանն ուղղված քայլերը»։
Անդրադարձ է կատարվել երկկողմ օրակարգի որոշ արդիական հարցերի՝ շեշտը դնելով Եվրասիական տնտեսական միության շրջանակներում առևտրային և ներդրումային համագործակցության և փոխգործակցության հետագա զարգացման վրա։