Այսօր խոշոր ավտովթար է տեղի ունեցել Արմավիրի մարզում: Ժամը 07:40-ի սահմաններում Երևան-Արմավիր ավտոճանապարհի ժողովրդին հայտնի՝ «ատոմակայանի» խաչմերուկում բախվել են «Mercedes» մակնիշի ավտոմեքենան ու մարդատար «Գազել»-ը:       

MediaHub-ը տեղեկացավ, որ տուժածների թիվը 10-ն է։

Արմավիր ԲԿ-ից մեզ հետ զրույցում հայտնեցին, որ տուժածների կյանքին, բարեբախտաբար, վտանգ չի սպառնում։                      

«Ընդհանուր բոլորի վիճակը գնահատվում է միջին ծանրության։ Անչափահասներ չկան, բոլորը չափահասներ են, այս պահի դրությամբ 2 հոգի հոսպիտալացվել են, 8-ն էլ՝ կսպասարկվեն կգնան տուն»,- տեղեկացրին ԲԿ-ից։ 

Հիշեցնենք, որ բախման հետևանքով «Գազել»-ը կողաշրջվել է և մասամբ հայտնվել ճանապարհի երթևեկելի գոտում: 
Վթարի փաստով քննչական վարչությունում նախաձեռնվել է քրեական վարույթ:

Դեպքի վայրում հավաքված քաղաքացիները նշում էին, որ «Գազել»-ը մասնավոր է և դաշտ էր տեղափոխում խաղող հավաքողների:

Էմմա Մարտիրոսյան