MediaHub-ի տեղեկություններով՝ հոկտեմբերի 13-ին «Էրեբունի» ԲԿ-ում մայրական մահ է գրանցվել:
Ո՞վ է մեղավոր, և ի՞նչ է տեղի ունեցել «Էրեբունի», ինչո՞ւ կնոջ կյանքը հնարավոր չի եղել փրկել. MediaHub-ը դիմեց ՀՀ Առողջապահության նախարարությանը, որտեղից հաստատեցին MediaHub-ի տեղեկությունը:
«Մահվան պատճառը դատաբժշկական փորձաքննությունը կպարզի, նախաքննություն է: Կինը բուժհաստատություն է դիմել արդեն ծանր փուլում: Ե՛վ առողջապահության նախարարությունը, և՛ Էրեբունի բուժկենտրոնի թիմը արել է առավելագույնը կյանքը փրկելու համար: Մանրամասներ չեմ կարող հայտնել: Ցավոք, լինում են նաև դժվար կառավարելի վիճակներ»,- MediaHub-ին հայտնեց նախարարի մամուլի քարտուղար Մարիամ Ծատրյանը։
MediaHub-ի տեղեկություններով՝ կինը գտնվել է հղիության սկզբանական ամիսներին:
Մարիաննա Արամյան