Ըստ տարածված լուրերի՝ քաղաքացիական հագուստով անձինք կանգնեցրել են Արցախի Հանրապետության պետնախարար Նժդեհ Իսկանդարյանին պատկանող բեռնատար մեքենաները, առգրավվել դրանք: Այս պահին երեք բեռնատար մեքենաների վարորդներն էլ գտնվում են Պետական եկամուտների կոմիտեում:
MediaHub-ի հետ զրույցում Նժդեհ Իսկանդարյանը, ով վերջերս նշանակվել է Արցախի պետնախարար, հաստատեց լուրը, որ երեք միավոր բեռնատար մեքենա են առգրավել, որոնք պատկանում են իրեն, իսկ ինքն էլ դրանք հանձնել է վարձակալության։
Վարորդներին տարել են ՊԵԿ–ի քննչական բաժին և հարցաքննել են, բացի հարցաքննելուց՝ պահանջել են Իսկանդարյանի եկամուտների մասին տեղեկություններ: «Ինչ ունեմ, օրինական ճանապարհով է, իմ սեփականությունն է, իմն է, ինչքան ուզում են, թող հարցաքննեն իմ մասին, գան խուզարկեն, մեկ է ոչինչ չեն գտնի։ Այն ամենն, ինչ պատկանում է ինձ, պատկանում է օրինական և իրավական ճանապարհով»,– MediaHub-ի հետ զրույցում ասաց Իսկանդարյանը։
Նշենք, որ նման բռնաճնշումները կանխատեսելի էին, հատկապես վերջին հանրահավաքից հետո և Նժդեհ Իսկանդարյանի ակտիվությամբ պայմանավորված:
Մարիաննա Արամյան